Djeff Bezos baılyǵyn sanaýly mınýtta 13,2 mlrd dollarǵa arttyrdy
NЬıÝ-IORK. QazAqparat - Djeff Bezostyń dáýleti arta tústi, dep habarlaıdy Bloomberg.
Nıý-Iorkte 16:16-da bırjalyq sessııa resmı túrde jabylǵannan keıingi saýda barysynda Amazon.com Inc. aktsııalary 12%-ǵa nemese 2100 dollarǵa ósti. Álemdegi eń dáýletti adam atanǵan Bezos óziniń baılyǵyn 15 mınýtta 13,2 mlrd dollarǵa arttyrdy.
Bloomberg tujyrymy boıynsha mıllıarderler reıtıngine sáıkes, onyń jeke kapıtaly 129,5 mlrd dollar dep baǵalanyp otyr.
56 jastaǵy Bezos Amazon aktsııalarynyń negizgi bóligine - 12%-na ıelik etedi. Beısenbidegi baǵanyń ósýi Amazon-ǵa 90 mlrd dollar ákelip, kompanııanyń jalpy kapıtalızatsııasy 1 trln dollarǵa jetip otyr. Djefftiń 49 jastaǵy burynǵy jubaıy Makkenzı Bezoske de toılaýǵa sebep bar, óıtkeni oǵan Sıetlde ornalasqan Amazon aktsııalarynyń 4% tıesili. Ol álemdegi dáýletti adamdar reıtınginde 24-shi orynda tur (dáýleti 37,1 mlrd dollar).
Bloomberg reıtıngi resmı túrde AQSh-ta ár saýda kúni jabylǵannan keıin jańaryp otyrady.
