Djastın Trıýdo búkil Kanadaǵa jaıylǵan orman órtin klımat krızısimen baılanystyrdy

ASTANA. QazAqparat – Búkil Kanadaǵa taralǵan órtten 20 myńnan astam adam úıin tastap, qonys aýdarýǵa májbúr boldy. AQSh-tyń batys jaǵalaýynda sońǵy jyldaǵy eń nashar aýa sapasy baıqaldy, dep habarlaıdy QazAqparat Euronews agenttigine siltememen.

Órt eldiń kóptegen óńirin sharpyǵan. 400-den astam órt oshaǵy jerdiń qurǵaýynan tutanyp, birden taralǵan.

Kanada premer-mınıstri Djastın Trıýdo bir kezderi klımat ózgerisine qarsy kúres josparyna qarsy shyqqan oppozıtsııany kinálady.

Portýgalııa, Ispanııa men Frantsııa kanadalyqtarǵa 280 órt sóndirýshi, AQSh 600-den astam adam jibergen.

Órt tútini kórshi elderge de taraǵanyn jazǵan edik. AQSh bıligi Vashıngton men Nıý-Iork sııaqty qalalarda aýa sapasynyń tómendegenin jarııalady.

Nıý-Iork pen Vashıngtonda memlekettik mektepterdiń jumysy toqtatyldy, al Nıý-Iork meri Erık Adams jaǵdaıdyń ýshyǵýy múmkin ekenin eskertip, halyqty úıden shyqpaýǵa shaqyrdy.

AQSh prezıdenti Djo Baıden Kanadadaǵy órtti «klımat ózgerisiniń saldary týraly aıqyn eskertý» dep atady.

Qańtardan beri Kanadada dala órti 3,8 mln gektar orman alqabyn joq qyldy.