Djastın Bıber kóshede túneıtin boldy
ASTANA. QazAqparat - Kanadalyq pop-oryndaýshy Djastın Bıber Los-Andjeles kósheleriniń birinde túnep shyǵatyn boldy. Ánshi osyndaı qadamǵa úısiz-kúısiz júrgen jandarǵa qoǵam nazaryn aýdartý úshin barǵaly otyrǵanyn habarlaǵan. Ol, sondaı-aq, óz ımıdjin qalpyna keltirýdi de maqsat etkenin jasyrmaıdy.
Aıta keteıik, bıyl Djastın Bıber birneshe daýdyń ortasynda qaldy. Qańtar aıynda ánshini Maıamıde mas kúıinde kólik júrgizgeni úshin ustaǵan. Shilde aıynda ózgeniń múlkine zaqym keltirgeni úshin (ol kórshisiniń úıine jumyrtqa laqtyrǵan) sot ony shartty túrde eki jylǵa bas bostandyǵynan aıyrǵan.
Taǵy da osy shilde aıynda ol Ispanııanyń Ibıtsa aralynda Gollıvýd ártisi Orlando Blýmmen tóbelesken. Sondaı-aq, qarasha aıynyń ortasynda sot ánshini tergeýge shaqyryp, onyń fotografty sabaǵandardyń ishinde bolǵanyn anyqtaǵan, dep jazady Rosbalt.
