Djastın Bıber endi jankúıerlermen fotoǵa túspeıtin boldy
ASTANA. QazAqparat - Kanadalyq ánshi Djastın Bıber budan bylaı jankúıerlerimen fotoǵa túspeıtin boldy, dep habarlady «Bı-bı-sı».
Ánshi fotoǵa birge túsý ótinishteri túskende ózin «zoobaqtaǵy ań» sııaqty sezinetinin aıtqan.
Bıber adamdardyń bas-kóz joq qaýmalap, ózin adam retinde kórmeıtinin málimdedi. «Jankúıerlerimniń renjıtinin túsinemin, biraq eshkimge foto qaryz emespin», - dep atap ótti ánshi.
Bıber satyp alýshylar olarmen birge túsken foto úshin emes, albom úshin aqsha tóleıtinin atap ótti.
Keı jankúıerlerdiń synyna jaýap retinde oǵan adamdardy baqytty etý múmkindigi unaıtynyn málimdedi. «Shynymen meniń ornymda bolsańdar, qanshalyqty sharshatatynyn túsiner edińder», - dep qosty ol.
Budan buryn amerıkalyq synǵan telefony úshin 100 myń dollar talap etip, Djastın Bıberdi sotqa bergeni habarlanǵan.
