Djastın Bıber 30 jasqa deıingi eń joǵary tabys tabatyn ataqty adamdar tiziminiń basynda tur
ASTANA. QazAqparat - Kanadalyq ánshi Djastın Bıber jasy 30-ǵa tolmaǵan eń joǵary tabys tabatyn ataqty adamdardyń tizimin bastady. Bul derek Amerıkanyń Forbes jýrnalynda jarııalandy.
Basylymnyń málimetteri boıynsha, ótken jyldyń maýsymynan bıylǵy jyldyń maýsymyna deıin Bıber shamamen 80 mln. dollar paıda tapqan. 20 jastaǵy pop-oryndaýshyǵa kiristeriniń negizgi somasy álemdik týrneden túsken.
Bul reıtıngtegi on orynnyń toǵyzynda mýzykanttardyń esimderi atalǵan. Ekinshi orynda brıtandyq One Direction pop-toby. Bir jylda ujym 75 mln. dollar paıda tapqan. Toptaǵy mýzykanttardyń ortasha jasy - 21.
Kósh bastaǵan úshtikte 24 jastaǵy amerıkalyq oryndaýshy Teılor Svıfttiń esimi de bar. Mýzykany kantrı stılinde oryndaıtyn onyń kirisi 64 mln. dollardy qurady.
