Djannı Infantıno FIFA-nyń jańa prezıdenti bolyp saılandy
ASTANA. QazAqparat - Tsıýrıhte ótip jatqan Halyqaralyq fýtbol federatsııasynyń prezıdentin saılaýdyń ekinshi týry qorytyndysymen uıymnyń jańa basshysy Djannı Infantıno boldy. Bul týraly Lenta.ru FIFA-nyń resmı saıtyna silteme jasap habarlady.
Ekinshi raýndyda Eýropalyq fýtbol qaýymdastyǵynyń bas hatshysyna (ÝEFA) 115 el, Azııa fýtbol konfederatsııasynyń basshysy sheıh Salmanǵa - 88, Iordanııa hanzadasy Alı bın Ál-Hýseınge - 4 , FIFA-nyń burynǵy bas hatshysynyń orynbasary frantsýz Jerom Shampanǵa - 0 adam daýys berdi. FIFA jarǵysyna sáıkes ekinshi týrda jeńiske jetýi úshin kandıdat keminde daýystyń jalpy sanynyń jartysyn jınaýy tıis.
Saılaýdyń birinshi kezeńiniń qorytyndysymen jeńimpaz anyqtalmady. Infantıno 88 daýys, sheıh Salman - 85 daýys jınady, qalǵandary kóp daýys ala almady. Ońtústikamerıkandyq Tokıo Seksvale daýysqa túsýden bas tartty.
Budan buryn biliktiliginen aıyrylǵan Indonezııa men Kýveıt ulttyq fýtbol federatsııalary saılaýda daýys berý quqyǵynan aıyryldy.
