«Djangony» somdaǵan Djeımı Foks órtengen kóliktegi adamdy qutqaryp qaldy
ASTANA. QazAqparat - Amerıkalyq akter Djeımı Foks jalynǵa oranǵan kóliktiń ishindegi adamdy alyp shyǵyp, ólimnen qutqarǵan. Bul týraly CNN habarlady.
Kalıfornııa shtatyndaǵy polıtsııanyń qarasaq, ótken dúısenbi kúni Ventýra okrýgindegi akterdiń úıine qarama-qarsy jerde jol apaty bolǵan.
Jyldamdyqty shekten asyrǵan júrgizýshi kóligin basqara almaı joldan shyǵyp ketip, mashına birneshe ret aýdarylypty, ári avtomobıl órtene bastaǵan. Foks pen sol mańda júrgen taǵy bir adam zardap shegýshige kómekke júgirgen. Olar qoldaryna ilikken nársemen terezeni syndyryp, qaýipsizdik beldigin kesip 32 jastaǵy Brett Kaıldy kólikten syrtqa shyǵarǵan.
Qutqarýshylar toby apat ornyna keıinirek kelip jetkende kólik tolyq jalynǵa oranypty.
Belgili ártis Foks Kventın Tarantınonyń «Azattyq alǵan Django» (Django Unchained, 2012) fılminde basty keıipkerdi somdap kórermenderdiń yqylasyna bólendi. Ol sondaı-aq «Zańdy buzbaıtyn azamat» (Law Abiding Citizen, 2009), «Aq úıge shabýyl» (White House Down, 2013) fılmderine túsken.
