Djakomettı «Adymdaýshy adamdy» aýktsıonǵa shyǵarmaqshy
ASTANA. Qańtardyń 15-i. QazAqparat - Sotheby's aýktsıon úıi Alberto Djakomettıdiń «Adymdaýshy adam І» (L'Homme qui marche I) músinin satýǵa qoımaqshy, dep habarlaıdy QazAqparat Reuters saıtyna silteme jasap. Jumys 1961 jyly oryndalǵan, Commerzbank AG nemis kompanııasy saýdaǵa shyǵarǵan.
Sotheby's mamandary músindi 19-29 mıllıon dollarǵa baǵalady. Osylaısha, «Adymdaýshy adam» 27,4 mıllıon dollardy quraıtyn - 2008 jyly onyń «Úlken túregep turǵan áıel ІІ» músini osynshama somaǵa satylǵan Djakomettı jumystary qunynyń rekordyn jańartýy múmkin.
Djakomettı shyǵarmashylyǵynda adymdaýshy adam beınesi alǵash 1947 jyly paıda boldy, alaıda «Adymdaýshy adam І» ıtalıandyq sýretshiniń eń iri músinderiniń biri bolyp tabylady - onyń bıiktigi 183 santımetrdi quraıdy. Agenttiktiń atap aıtqanyndaı, mundaı mólsherdegi Djakomettı jumysy aýktsıonǵa alǵash ret shyǵarylmaqshy.
