Djakartadaǵy lańkestikten zardap shekken qazaqstandyqtar týraly aqparat túsken joq

«Bizdiń Indonezııadaǵy Elshiligimiz turaqty túrde atalǵan elde júrgen Qazaqstan azamattarymen baılanysqa shyǵyp otyr», dedi QazAqparat tilshisine QR Syrtqy ister mınıstrliginiń baspasóz hatshysy Anýar Jaınaqov.

«Belgili bolyp otyrǵandaı, QR Prezıdenti N.Nazarbaev pen Syrtqy ister mınıstri E.Ydyrysov Ystambulda taıaýda oryn alǵan lańkestik áreketke baılanysty kóńil aıtqan bolatyn. Sonymen qatar biz beıbit adamdar kóz jumǵan Djakartadaǵy lańkestik áreketti aıyptaımyz. Tolyqtaı alǵanda Qazaqstan lańkestiktiń barlyq túrleri men kórinisterin qatań aıyptaıdy jáne bul zulymdyqtyń tamyryna balta shabý úshin álemdik qoǵamdastyq tarabynan ujymdyq kúsh-jigerdiń tez arada qabyldanýyn jaqtaıdy», dedi telefon arqyly A.Jaınaqov.

Sonymen qatar ol atalǵan lańkestikti uıymdastyrýshylardyń anyqtalyp, jazaǵa tartylatyndyǵyna senim bildirdi.

«Qazaqstan halyqaralyq quqyq ustanymdaryna jáne sáıkesinshe BUU Qaýipsizdik Keńesiniń qararlaryna basa mán bere otyryp, álemniń barlyq elderin BUU-nyń lańkestik pen ekstremızmniń taralýyna qarsy kúsh biriktirýge shaqyrady», - dedi QR SІM baspasóz hatshysy.