Djakartada 6 mln-nan astam adam las aýa saldarynan túrli aýrýǵa shaldyqty
ASTANA. KAZINFORM – Indonezııa astanasy Djakartada aýa sapasynyń lastanýyna baılanysty 6 mıllıonnan astam turǵyn jedel respıratorlyq ınfektsııaǵa shaldyqqan. Bul týraly Jakarta Globe gazetine silteme jasap Anadolý habarlady.
Basylym málimetinshe, ásirese qalanyń soltústik aýdandaryndaǵy jaǵdaı aýyr – munda aýadaǵy zııandy zattardyń kontsentratsııasy shekti deńgeıden asyp ketken.
Qalanyń ekologııalyq ahýalyna eń úlken zalaldy 6 800 ónerkásiptik kásiporyn keltirýde. Olardyń tútindi qaldyqtary aýany aıtarlyqtaı lastap otyr.
Budan bólek, eshqandaı ekologııalyq baqylaýsyz jumys isteıtin zańsyz óndiris oryndary jaǵdaıdy odan ári kúrdelendirýde.
Jergilikti bılik ókilderi eger qazirgi jaǵdaı saqtalatyn bolsa, halyqtyń densaýlyǵyna tónetin qater budan ári de ulǵaıýy múmkin ekenin eskertýde.
Aıta keteıik, Indonezııada Levotobı Lakı-Lakı janartaýy taǵy atqylady.