Dj. Tsarnaevtyń kýrstastary - qazaqstandyq eki stýdent ózderine taǵylǵan aıyptan bas tartty
ASTANA. 14 tamyz. QazAqparat - Boston marafonynyń máresinde bolǵan jarylysqa qatysty isti tergeýge kedergi keltirdi dep aıyptalǵan Dıas Qadyrbaev pen Azamat Tájaıaqov ózderiniń kináli emestigi týraly málimdedi, dep habarlady Bı-Bı-Sı.
Qazaqstandyq Qadyrbaev pen Tájaıaqov - osy is boıynsha negizgi aıyptalýshy Djohar Tsarnaevtyń ýnıversıtette birge oqyǵan dostary. Ekeýiniń de jastary 19-da.
Qadyrbaev pen Tájaıaqovtyń ata-analary sot zalynda boldy. Osy is boıynsha sot otyrysy 26 qyrkúıekke belgilendi. Prokýrorlar 15-ten 20-ǵa deıin kýágerdi qatystyrýdy josparlap otyr. Sot protsesi eki aptaǵa jalǵasady dep kútilýde.
Ótken aptada olarǵa qatysty ádildikke kedergi jasady jáne osy maqsatta qylmystyq sóz baılasýǵa tústi degen qorytyndy aıyp shyǵarylǵan bolatyn.
Olar tergeýge kedergi keltirgenderi úshin 20 jylǵa jáne sóz baılasqandary úshin 5 jylǵa bas bostandyqtarynan aıyrylýy, sonymen qatar 250 myń dollar aıyppul taǵylyp, 5 jylǵa deıin quqyq qorǵaý organdarynyń ashyq qadaǵalaýynda bolýy múmkin.
