Dj. Býkıkkıo: Konstıtýtsııa - ádemi terilip, kitaphanaǵa qoıylatyn kitap emes, ol - tiri mátin
Búgin Qazaqstan Konstıtýtsııasy kúni merekesine oraı Astanadaǵy Beıbitshilik jáne kelisim saraıynda ótip jatqan «Konstıtýtsııa - qoǵam men memleketti áleýmettik jańǵyrtýdyń negizi» atty halyqaralyq ǵylymı-tájirıbelik konferentsııa barysynda sóz sóılegen «Quqyq arqyly demokratııaǵa» Eýropalyq komıssııacynyń (Venetsıan komıssııasy) tóraǵasy Djannı Býkıkkıo osylaı málimdedi.
«Ádilsottyń tolyq táýelsizdigi ornamaı - demokratııanyń ornaýy da esh múmkin emes. Sot júıesindegi reformanyń nátıjesi - onyń bazalyq jumysyndaǵy konstıtýtsııalyq qaǵıdattardy saqtaýǵa negizdelýi tıis. Osy turǵydan alǵanda Qazaqstannyń sot júıesi Venetsıan komıssııasyn osynaý mańyzdy jumysty jalǵastyrýdaǵy áriptesi retinde sanaýyna bolady», - dedi Djannı Býkıkkıo.
Sondaı-aq, komıssııa tóraǵasy búgingi ǵylymı konferentsııadaǵy taqyrypqa toqtala kele, «Konstıtýtsııanyń memlekette kimniń neni isteýi kerektigin bildiretin erejeler jıyntyǵy emes ekenin, Konstıtýtsııa qoǵamǵa ortaq qundylyqtar jıyntyǵy ekendigin» atap ótti. «Bundaı qundylyqtar kúndelikti Konstıtýtsııalyq Keńespen Negizgi zańdy qorǵaý maqsatynda qoldanylady. Budan bólek, bundaı qundylyqtar árbir sottar men árbir polıtseılerden bastap, tutastaı árbir memlekettik qyzmetkerlerdiń de jumysyn aıqyndaýy tıis. Konstıtýtsııa - bul ádemi terilip, kitaphanaǵa qoıylatyn kitap emes. Konstıtýtsııa - tiri mátin. Sondyqtan da, árbir azamat ony bilip, odan rýhtanýy kerek», - dedi Djannı Býkıkkıo.