«Dıý Soleı» tsırkiniń taǵy bir akrobaty mert boldy
ASTANA. QazAqparat - Du Soleil tsırkiniń akrobaty AQSh-tyń Florıda shtatynda qoıylym barysynda mert boldy, dep habarlaıdy QazAqparat AVS telearnasyna silteme jasap.
Áýe gımnasty ıAnn Arnonyń bıiktikten arenaǵa qulap, qaza bolǵany týraly jeksenbi kúni kanadalyq tsırktiń basshylyǵy habarlady.
«17 naýryz kúni Florıda shtatynyń Tampa qalasynda Volta shoýy kezinde jazataıym oqıǵa oryn alǵanyn qaıǵyra habarlaımyz. Tájirıbeli áýe gımnasty ıAnn Arno áýe beldikterinde nomerdi oryndaý barysynda arenaǵa qulap ketti», - dep habarlady Cirque du Soleil.
Arno jaqyn mańdaǵy aýrýhanaǵa jetkizilgen, biraq ol alǵan jaraqattary saldarynan kóp uzamaı kóz jumdy.
Aıta keteıik, bul Cirque du Soleil qurylǵan otyz jyldyń ishinde ajal qushqan ekinshi akrobat. 2013 jyly 15 metr bıiktikten 31 jastaǵy ártis Sara Gıııar-Gııo qulap ketip, mert bolǵan edi. Ol kezde tsırkke 25 myń dollar somasynda aıyppul salynǵan bolatyn. Nevada shtatynyń soty akrobat qyzdyń ólimi qaýipsizdik tehnıkasyn saqtamaýdan boldy degen tujyrymǵa keldi.
