Dıý Soleı tsırkiniń negizin qalaǵan Sen-Krýanyń uly sahnada ajal qushty
ASTANA. QazAqparat - Dıý Soleı tsırkiniń (Cirque du Soleil) negizin qalaýshylardyń biri jáne vıtse-prezıdenti Jıl Sen-Krýanyń uly sahnada jazataıym oqıǵadan mert boldy., dep habarlaıdy QazAqparat.
Bı-bı-sıdiń jazýynsha, 43 jastaǵy Olıve Roshett seısenbi kúni kóz jumdy, ony sahnada kótergish qurylǵy basyp qalǵan.
Roshett tehnıkalyq jumysshy bolyp eńbek etken, ol San-Frantsıskoda ótetin Luzia spektakline sahnany bezendirip júrgen. «Olıve bizdiń súıikti áriptesimiz jáne kishigirim januıamyzdyń bir múshesi edi», - dedi Cirque du Soleil atqarýshy dırektory Denıel Lamarr.
Aıta keteıik, 2013 jyly Las-Vegastaǵy shoý kezinde 28 metr bıiktikten qulaǵan Sara Gıııar-Gııo qaza tapqan edi. Ol kezde qaýipsizdik beldigi óz fýnktsııasyn atqarmaı qalǵan bolatyn. Tsırkke aıyppul salyndy.
Cirque du Soleil 1984 jyly Kanadada qurylǵan.
