Dıý Soleı tsırkiniń ártisteri Astanada naýqas balalarǵa mereke uıymdastyrdy
ASTANA. QazAqparat - Dıý Soleı tsırkinde Reflekt shoýyn usynatyn toǵyz amerıkalyq bıshi Astanada Daýn sındromyna shaldyqqan balalarǵa arnalǵan «Kún álemi» qoǵamdyq qorynyń ortalyǵyna bardy, dep habarlaıdy «QazAqparat» HAA tilshisi.
Bul týraly Qazaqstandaǵy AQSh elshiligi Facebook-tegi resmı paraqshasynda jarııalady. Ártister balalarǵa shaǵyn mereke uıymdastyryp, olarmen birge áńgimelesip, bılep, júzderine kúlki syılady.
«Olardyń kúlkisi umytylmaıdy. Osy sharany uıymdastyrǵany úshin Evgenııa Chebotarevskaıa, Sabına Ismaılova men Kessıdı Braıtqa alǵys aıtamyn. Sizderdiń jumystaryńyzdan, «Kún áleminde» bizdi qarsy alǵan balalar men olardyń ata-analarynan keremet áser aldyq», - dep jazdy ártister Facebook-te.
Daýn sındromyna shaldyqqan balalarǵa kómekteskisi keletinder, myna saıttan tolyq aqparat ala alady www.sunworld.kz.
