Dychkonyń qarsylasy týraly ne bilemiz
ASTANA. QazAqparat - Ivan Dychkonyń (6-0, 6 KO) kásipqoı rıngtegi jetinshi qarsylasy 42 jastaǵy amerıkalyq boks ardageri Morıs Harrıs (26-21-3, 11 KO) bolmaq. «SPORTINFORM» SAA bul boksshy jóninde aqparat usynady.
Harrıs alǵash ret rıngke shyqqanda Dychko eki jasta bolatyn
Morıs Harrıs kásipqoı rıngke alǵash ret 1992 jyly 16 jasynda jartylaı aýyr salmaqta shyqqan. Boksshy alǵashqy jekpe-jeginde tóreshilerdiń sheshimimen ózinen 10 jas úlken qarsylasy Djo Kennege jol berdi.
Kútpegen kezderde jeńiske jetti
1996 jyly 20 jasynda Morıs jeńilip kórmegen boksshy, 1992 jylǵy Olımpıadanyń kúmis júldegeri Devıd Aızonmen kezdesti. Nıgerııalyq boksshy kásipqoı rıngtegi 18 kezdesýinde 18 ret jeńiske jetken. Sondaı-aq, eki jekpe-jeginde ǵana sońyna deıin aıqasqan. Alaıda, buǵan deıin úzdiksiz úsh ret jeńiliske ushyraǵan Harrıs bul kezdesýde jeńip shyqty. Kópshilik tańdanysyn jasyra almady.
Ańyzǵa aınalǵan Larrı Holmspen birdeı dárejede bokstasty
Sandersti jeńgen soń, 21 jastaǵy Morıs boks álemine asa tanymal Larrı Holmspen kúsh synasýǵa múmkindik aldy. Boks ardageri Holms ol kezde 47 jasta bolǵanymen, tóreshilerdiń sheshimimen jeńiske jetti.
Derek Djeffersonnan «jyl nokaýtyn» alǵan
Uzaq ýaqyt boıy úzdik nátıje kórsetip kele jatqan Morıs 1999 jyly sol ýaqyttyń jeńilmeıtin boksshysy Derek Djeffersonmen kezdesti. Aıqas kópshiliktiń nazaryn aýdardy, qos boksshy birin-biri kezek-kezek nokaýtqa túsirip, teń dárejedegi oıyn kórsetti. Alaıda altynshy raýndtyń sońyna qaraı Harrıs sol jaq búıirden tıgen soqqyny baıqamaı, tis qorǵanys qaby ushyp ketip, nokaýtqa ketken bolatyn.
Kásipqoı rıngte 50 ret jekpe-jek ótkizgen
2000 jyldan bastap Harrıs tıtýldyq jekpe-jekterge jaqyn bolǵanymen, jaǵyna tıgen soqqylardy kótere almaǵandyqtan, joǵary nátıjege qol jetkize almady. Harrıstiń kásipqoı bokstaǵy 21 jeńilisiniń 14-i nokaýtpen aıaqtalǵan.
Sońǵy jekpe-jegi úsh jyl buryn ótti, al sońǵy ret jeńiske 5 jyl buryn qol jetkizgen.
Ivan Dychko men Morıs Harrıs 6 shilde kúni AQSh-ta (Florıda shtaty, Gollıvýd) judyryqtasady.
