Dychko meksıkalyq «Sýpermenmen» qolǵap túıistiredi
QOSTANAI. QazAqparat - Qazaqstandyq bylǵary qolǵap sheberi Ivan Dychko kelesi jekpe-jegin 8-jeltoqsan kúni ótkizedi, dep habarlaıdy QazAqparat sports.kz saıtyna silteme jasap.
Áýelde jekpe-jek 1 jeltoqsanda Tampta (AQSh, Florıda shtaty) qalasynyń USF Sun Dome arenasynda ótedi dep josparlanǵan. Jerlesimizdiń qarsylasy jergilikti boksshy Lamarko Ellıs bolýy kerek edi. Biraq keshe Dychkonyń kimmen judyryqtasatyny anyqtaldy.
Endi 8-jeltoqsan kúni qostanaılyq boksshy óziniń úshinshi jekpe-jegin 39 jastaǵy meksıkalyq Karlos Sandovalǵa qarsy ótkizedi. Alty raýndtan turatyn aıqas AQSh-tyń Florıda shtatynda bolady.
Karlos Sandovaldyń laqap aty - «Sýpermen». Ol kásipqoı boksta barlyǵy 25 kezdesý ótkizip, onyń 10-da jeńiske jetken. Kásipqoı rıngke 1997-jyly kóterildi. Aıta keteıik, ol kezde Dychko nebári 7 jasta bolatyn.
