Dúısenbiden bastap elimizdegi qoryqtar men ulttyq parkter ashylady
Aıta keteıik, búgin Eraly Toǵjanovtyń tóraǵalyǵymen ótken Vedomstvoaralyq komıssııa otyrysynda nysandardyń qyzmetin jeńildetýdiń ekinshi kezeńi maquldandy.
Sonyń nátıjesinde erekshe qorǵalatyn tabıǵı aýmaqtar: memlekettik ulttyq tabıǵı parkter, qoryqtar, rezervattar jáne basqa da nysandar jumysyn bastaıdy. Bul jerlerdi jeke jáne 15 adamnan aspaıtyn týrıstik toptar aralap, tamashalaı alady.
Degenmen kelýshiler keminde 2 metr áleýmettik araqashyqtyqty saqtap, betperde taǵyp júrýi kerek.
«Barlyq nysandarǵa tıisti daıyndyq aktilerin alǵannan keıin ǵana jumysqa kirisýge ruqsat beriledi. Óńir ákimdikteri densaýlyq saqtaý mınıstrligi, «Atameken« UKP-men birlesip, qoǵam belsendilerin tarta otyryp, engiziletin nysandardyń barlyq sanıtarlyq talaptardy qatań saqtaýyn qamtamasyz etýi qajet», - dep atap ótti E. Toǵjanov.