Dúısenbide Qazaqstannyń basym bóliginde jaýyn jaýady
ASTANA. QazAqparat - «Qazgıdromet» RMK 16 sáýirge arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyń ótýine baılanysty Qazaqstannyń basym bóliginde jaýyn-shashyn kútiledi. Eldiń ońtústiginde naızaǵaı bolady, shańdy daýyl soǵady, kúndiz burshaq bolýy yqtımal. Keı jerlerinde tuman, ekpindi jel soǵady.
Ońtústik Qazaqstan, kúndiz Almaty, Aqmola, Pavlodar oblystarynyń keı jerlerinde jeldiń jyldamdyǵy 15-20 m/s deıin jetedi.
Jambyl oblysynyń keı jerlerinde naızaǵaı kútiledi, kúndiz burshaq bolýy yqtımal.
Qyzylorda oblysynyń keı jerlerinde jel 15-20 m/s jyldamdyqpen soǵady, shańdy daýyl bolady.
Qostanaı, Shyǵys Qazaqstan oblystarynyń keı jerlerinde jel 15-20 m/s kúsheıedi, tuman bolady, naızaǵaı kútiledi. Túnde Soltústik Qazaqstan oblysynyń keı jerlerinde, kúndiz basym bóliginde jel 15-20 m/s kúsheıedi, jeldin ekpini 23-28 m/s jetip, keı jerlerine tuman túsedi.
