Dúısenbide Qazaqstannyń basym bóliginde kún kúrkirep, jańbyr jaýady
ASTANA. QazAqparat - Qazaqstannyń basym bóliginde atmosferalyq aǵyndardyń ótýimen kún kúrkirep, jańbyrly aýa raıy saqtalady, respýblıkanyń soltústiginde, soltústik-batysynda, ońtústiginde, ońtústik-batysynda jáne ortalyǵynda kún ashyq bolady. Soltústikte keı jerlerde tuman túsedi jáne jel kúsheıedi, ońtústiginde shańdy daýyl kóteriledi. Shyǵysta burshaq jaýýy múmkin, dep habarlady «Qazgıdromet» RMK.
Shyǵys Qazaqstan oblysynda keı jerlerde kún kúrkireıdi, jel 15-20 m/s-qa deıin kúsheıedi, kúndiz burshaq jaýýy múmkin.
Jambyl oblysynda keı jerlerde shańdy daýyl kóteriledi, kúndiz kún kúrkireıdi, jeldiń kúshi 15-20 m/s.
Atyraý oblysynda keı jerlerde kún kúrkireıdi, jel 15-20 m/s-qa deıin kúsheıedi.
Aqtóbe, kúndiz Batys Qazaqstan oblystarynda keı jerlerde kún kúrkireıdi.
Almaty oblysynda keı jerlerde jel 15-20 m/s-qa deıin kúsheıedi, taýly aýdandarda kún kúrkireıdi.
Pavlodar oblysynda keı jerlerde jeldiń ekpini 15-20 m/s-qa deıin jetedi, kúndiz kún kúrkireıdi.
Soltústik Qazaqstan oblysynda túnde jáne tańerteń keı jerlerde tuman túsedi.
Ońtústik Qazaqstan, Qyzylorda oblystarynda kúndiz jel 15-20 m/s-qa deıin kúsheıip, shańdy daýyl kóteriledi.
Kúndiz Mańǵystaý, Atyraý, Batys Qazaqstan, Aqtóbe oblystarynda, Qostanaı, Qaraǵandy oblystarynyń keı jerlerinde aptap ystyq bolady.
Qyzylorda, Ońtústik Qazaqstan oblystarynda, Jambyl oblysynyń keı jerlerinde óte joǵary órt qaýpi saqtalady.
