Dúısenbide Qazaqstannyń basym bóliginde kún ashyq bolady
ASTANA. QazAqparat - Qazaqstannyń basym bóliginde burynǵysha antıtsıklonnyń yqpalymen kún ashyq bolady, soltústikte, shyǵysta, ortalyqta jáne ońtústikte, ońtústik-shyǵysta ǵana atmosferalyq aǵyndardyń ótýimen jaýyn-shashyndy bolyp, burqasyn kóteriledi, jel kúsheıedi, Qazaqstan aýmaǵynyń keıbir jerlerinde tuman túsýi kútiledi, dep habarlady QR ІІM Tótenshe jaǵdaıdar komıteti «Qazgıdrometke» silteme jasap.
Almaty oblysyndaǵy Jalańashkól aýmaǵynda jel 18-23 m/s-qa deıin kúsheıip, uıtqýy 28 m/s-qa deıin jetedi. Jambyl, Ońtústik Qazaqstan, Qostanaı oblystarynda keı jerlerde tuman túsedi, jeldiń kúshi 15-20 m/s. Qyzylorda oblysynda keı jerlerde jel 15-20 m/s-qa deıin kúsheıedi. Atyraý, Batys Qazaqstan, Aqtóbe, Soltústik Qazaqstan oblystarynda keı jerlerde tuman túsedi. Pavlodar oblysynda túnde keı jerlerde jaıaý burqasyn bolady, jeldiń ekpini 15-20 m/s. Shyǵys Qazaqstan oblysynda tuman túsedi, jeldiń kúshi 15-20 m/s-qa deıin kúsheıip, burqasyndatady.
