Dúısenbide Qazaqstannyń basym bóligin tuman basyp, jel kúsheıedi
ASTANA. QazAqparat - Búgin frontaldyq aǵyndardyń ótýine baılanysty Qazaqstannyń basym bóliginiń jer-jerlerinde qar jaýyp, tuman túsip, kóktaıǵaq oryn alady, jel kúsheıedi, dep habarlady «Qazgıdromet» RMK.
Aqmola oblysynyń keı aımaqtarynda boran soǵyp, tuman túsedi, kóktaıǵaq oryn alyp, jeldiń kúshi 15-20 m/s-qa jetedi, dep kútilýde.
Soltústik Qazaqstan, Mańǵystaý oblystarynyń keı jerlerinde tuman túsedi. Qaraǵandy oblysynda keıbir aýdanda boran soǵyp, kúndiz jel 15-20 m/s-qa jetedi.
Batys Qazaqstan, Shyǵys Qazaqstan oblystarynyń keı aýmaqtarynda tuman túsip, kóktaıǵaq oryn alady. Almaty oblysynda túnde keı jerlerde tuman basyp, Jalańashkól aýdanynda jeldiń kúshi 15-20 m/s-qa jetedi.
Jambyl, Ońtústik Qazaqstan oblystarynyń jer-jerlerinde tuman tússe, jel 15-20 m/s-qa kúsheımek. Qyzylorda oblysynyń keıbir aımaqtarynda da tuman, kóktaıǵaq oryn alyp, kúndiz keı jerlerde jel 15-20 m/s-qa kúsheıedi.
Aqtóbe jáne Qostanaı oblysynyń da keıbir aımaqtarynda boran kútiledi, jel 15-20 m/s-qa jetip, túnde, tańerteń keı jerlerde tuman túsedi.
Astanada kún bultty, qar jaýyp, boran soǵýy múmkin. Jel ońtústik shyǵystan soǵady, ekpini - 15-20 m/s. Túnde jáne kúndiz temeperatýra 4-6 gradýs aıaz bolady.
Almatyda búgin aýyspaly bult shyǵyp, jaýyn-shashynsyz bolady. Túnde aýa temperatýrasy 0 gradýsty kórsetse, kúndiz 10-12 gradýs jyly bolady.
