Dúısenbide Qazaqstannyń 13 qalasynda aýa sapasy jaqsarady
ASTANA. QazAqparat - Dúısenbi, 26 naýryz kúni Atyraý qalasynda aýa sapasy nasharlaıdy, dep habarlaıdy QazAqparat «Qazgıdromet» RMK-ǵa silteme jasap.
Aqtaý, Aqtóbe, Qaraǵandy, Qostanaı, Qyzylorda, Kókshetaý, Pavlodar, Petropavl, Taldyqorǵan, Taraz, Oral, Óskemen, Shymkent qalalarynda meteojaǵdaılar aýada zııandy zattardyń seıilýine yqpal etetin bolady.
Atyraý qalasynda meteorologııalyq jaǵdaılar atmosferada lastaýshy zattardyń jınalýyna áser etedi.
Aıta keteıik, 2018 jyldyń 1 qańtarynan Qazgıdromettiń www.kazhydromet.kz saıtynda qolaısyz meteorologııalyq jaǵdaılardyń (QMJ) boljamy jarııalanady.
QMJ - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqamerzimdi meteorologııalyq faktorlardyń (tymyq, jeńil jel, tuman, ınversııa) úılesimi. QMJ jaǵdaıynda eldi mekenderdegi atmosferalyq aýanyń sapasy nasharlaýy múmkin.
Lastaný deńgeıiniń qalyptasýyn anyqtaıtyn mańyzdy faktorlardyń biri - sınoptıkalyq ahýaldyń (jel, jaýyn-shashyn, ylǵaldylyq, aýa temperatýrasy) boljamy.
