Dúısenbide Qazaqstan qalalarynda aýa sapasy qandaı bolady
ASTANA. QazAqparat - «Qazgıdromet» RMK dúısenbi, 3 qyrkúıek kúni elimiz qalalaryndaǵy meteorologııalyq jaǵdaılar týraly málim etti, dep habarlaıdy QazAqparat.
Atap aıtqanda, Qaraǵandy qalasynda meteojaǵdaılar aýada zııandy zattardyń jınalýyna yqpal etetin bolady. Al qalǵan qalalardyń atmosferasy lastaýshy zattardan taza bolatyny kútiledi.
Qolaısyz meteorologııalyq jaǵdaılar - atmosferalyq aýanyń jerge jaqyn ornalasqan qabatynda zııandy (lastaýshy) zattardyń jınalýyna yqpal etetin qysqamerzimdi meteofaktorlardyń (tymyq, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi aýanyń sapasy nasharlaýy yqtımal.
