Dúısenbide Qazaqstan 5 qalasynda aýa sapasy nasharlaıdy
ASTANA. QazAqparat - 17 qyrkúıek kúni meteorologııalyq jaǵdaılar elimizdiń 5 qalasynda aýada lastaýshy zattardyń shoǵyrlanýyna yqpal etedi, dep habarlaıdy QazAqparat.
«Qazgıdromet» RMK-nyń málimetinshe, dúısenbi kúni Aqtóbe, Almaty, Astana, Qaraǵandy jáne túnde Taldyqorǵan qalalarynda jaǵymsyz meteojaǵdaı qalyptasady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
