Dúısenbide elordada jylý berý maýsymy bastalady

ASTANA. QazAqparat - Dúısenbi, 29 qyrkúıekten bastap elordada jylý berý maýsymy bastalady. Bul týraly búgin 2014-2015 jyldary jylý berý maýsymyna daıyndyq qorytyndysyna arnalǵan keńeste Astana qalasy ákiminiń orynbasary Vasılıı Krylov málim etti.

«Bilim berý, densaýlyq saqtaý jáne mádenıet nysandaryn jylý berý maýsymyna daıyndyǵy tolyǵymen aıaqtaldy. Jalpy alǵanda, tirshilikpen qamtamasyz etetin mekemeler jylý berý maýsymynda úzdiksiz ári turaqty jylý berýge, elektr energııasyn jetkizýge tolyq daıyn», - dedi ol.

Onyń atap ótýinshe, Astana qalasy máslıhatynyń aǵymdaǵy jylǵy sheshimimen qalany jylytý maýysymyna daıyndaý jáne ony ótkizý erejesi bekitilgen. Jylý berý dál osy erejege sáıkes júrgiziletin bolady.

«Aýa raıynyń boljamyna sáıkes erteńnen bastap kún sýytyp, aýa temperatýrasy tómendeıdi, jaýyn-shashyn túsedi. Jalpy, biz qyrkúıektiń 29-y, dúısenbiden jylý berý maýsymyn bastaýǵa daıynbyz», - V.Krylov.