Dúısenbide elimizdiń basym bóliginde jel kúsheıip, burqasyn bolady
ASTANA. QazAqparat - 23 qarasha kúni elimizdiń kóptegen bólikterinde frontaldy aýa bólikteriniń ótýine baılanysty jaýyn-shashyn saqtalady, dep habarlaıdy «Qazgıdromet» RMK.
El óńirleriniń keı jerlerinde kóbinese qar jaýyp, burqasyn bolady, tuman túsedi, kóktaıǵaq bolyp, jel kúsheıdi. Tek ońtústikte jáne batysta aýa raıy jaýyn-shashynsyz bolady. Aqmola, Soltústik Qazaqstan, kúndiz Pavlodar, Qaraǵandy, Shyǵys Qazaqstan oblystarynyń keı jerlerinde jel 15-20 m/s kúsheıip, burqasyn soǵady. Qostanaı oblysynyń keı jerlerinde jel 17-22 m/s kúsheıip, burqasyn jáne kóktaıǵaq bolady. Jambyl, Batys Qazaqstan, túnde Aqtóbe oblystarynyń keı jerlerinde tuman bolyp, jel 15-20 m/s kúsheıedi. Mańǵystaý oblysynyń keı jerlerinde jel 15-20 m/s. Almaty, Ońtústik Qazaqstan oblystarynyń keı jerlerinde tuman saqtalady.
