Dúısenbide elimizdiń 8 qalasynda aýa sapasy nasharlaıdy
NUR-SULTAN. QazAqparat – «Qazgıdromet» RMK 15 naýryzdaǵy Qazaqstan qalalaryndaǵy aýa sapasyna boljamyn jarııalady, dep habarlaıdy QazAqparat.
Kásiporynnyń málimetine sensek, qolaısyz meteorologııalyq jaǵdaı Aqtóbe, Qaraǵandy, Qostanaı, Qyzylorda, Nur-Sultan, Semeı, Oral jáne Óskemen qalalarynda bolady.
Ózge shaharlarda meteoahýal birqalypty.
Qolaısyz meteorologııalyq jaǵdaı - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
