Dúısenbide elimizde kún raıy ashyq bolady
ASTANA. QazAqparat - 17 qyrkúıekte Qazaqstan aýmaǵynyń basym bóliginde antıtsıklonnyń áserinen jaýyn-shashynsyz aýa raıy saqtalady, tek respýblıkanyń batysy men shyǵysynda atmosferalyq aǵyndardyń ótýine baılanysty jańbyr jaýyp, naızaǵaı bolady, dep habarlaıdy QazAqparat Qazgıdrometke silteme jasap.
Respýblıkanyń soltústigi men shyǵysynyń keı jerlerinde túnde jáne tańerteń tuman kútiledi.
Jambyl, kúndiz Túrkistan, Qyzylorda, Atyraý, Aqtóbe oblystarynyń keı jerlerinde jel 15-20 m/s kúsheıedi, Qyzylorda oblysynda shańdy daýyl soǵady.
Soltústik Qazaqstan, Pavlodar, Qaraǵandy, Aqmola oblystarynyń keı jerlerinde tuman kútiledi.
Kúndiz Batys Qazaqstan, Mańǵystaý oblystarynyń keı jerlerinde naızaǵaı kútiledi, jel 15-20 m/s kúsheıedi, Batys Qazaqstan oblysynda burshaq jaýýy múmkin.
Qyzylorda, Túrkistan, Mańǵystaý oblystarynda, Jambyl, Atyraý oblystarynyń basym bóliginde, Batys Qazaqstan, Aqtóbe jáne Qaraǵandy oblystarynyń keı jerlerinde joǵary órt qaýipi saqtalady.
