Dúısenbi kúni úsh oblysta aptap ystyq saqtalady
ASTANA. QazAqparat - 28 tamyz kúni Qazaqstan terrıtorııasy antıtsıklonnyń yqpalynda bolady. Osyǵan oraı, jaýyn-shashynsyz kún raıy saqtalady, tek soltústikte jáne shyǵysta atmosferalyq fronttardyń ótúine baılanysty keı jerlerde ótkinshi jańbyr jaýyp, naızaǵaı oınaıdy. Jekelegen aýmaqtarda jel kúsheıedi, soltústikte túnde jáne tańerteń tuman kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Qostanaı, Soltústik Qazaqstan, kúndiz Shyǵys Qazaqstan oblystarynyń keı jerlerinde naızaǵaı oınap, 15-20 m/s ekpinde jel soǵady. Soltústik Qazaqstan oblysynda túnde jáne tańerteń tuman bolady.
Ońtústik Qazaqstan oblysynyń keı aýmaqtarynda jeldiń jyldamdyǵy 15-20 m/s kúsheıip, kúndiz taýly aımaqtarda naızaǵaı kútiledi.
Sondaı-aq kúndiz Aqmola, Qaraǵandy oblystarynyń keı jerlerinde jeldiń ekpini 15-20 m/s artyp, Aqmola oblysynyń jekelegen aýdandarynda naızaǵaı boljanady.
Kúndiz Mańǵystaý, Atyraý, Qaraǵandy oblystarynyń keı aýmaqtarynda qatty ystyq aýa raıy saqtalady.
Dúısenbi kúni Aqtóbe, Atyraý, Qyzylordada, keı jerlerde Ońtústik Qazaqstan, Jambyl, Almaty, Shyǵys Qazaqstan, Batys Qazaqstan, Qostanaı, Qaraǵandy, Aqmola oblystarynda joǵary órt qaýpi saqtalady.
