Dúısenbi kúni taǵy eki oblysta oqýshylar sabaqqa barmaıdy
ASTANA. QazAqparat - 22 qańtar kúni aıazdarǵa baılanysty Aqmola men Pavlodar oblystarynda 1-11 synyp oqýshylaryna sabaqtar bolmaıdy, dep habarlaıdy QazAqparat.
«22.01.2018 jyly Aqmola oblysynda qatty aıaz. 1-11 synyptarǵa sabaq bolmaıdy», - delingen 112 qyzmeti taratqan sms-habarlamasynda.
Osyndaı habarlamany óńir turǵyndaryna Pavlodar oblysynyń Tótenshe jaǵdaı vedomstvosy da taratty. «22.01.2018 jyly Pavlodar oblysynda mınýs 40 gradýsqa deıin qatty aıaz. 1-11 synyptarda sabaq bolmaıdy», - delingen onda.
Buǵan deıin, kútilip otyrǵan saryshunaq aıazdarǵa baılanysty dúısenbi kúni Soltústik Qazaqstan oblysynda 1-11 synyp oqýshylary mektepke barmaıtynyn jazǵan edik.
