Dúısenbi kúni respýblıkanyń birqatar jerlerinde jel kúsheıedi - Qazgıdromet
ASTANA. QazAqparat - Dúısenbi, 6 sáýir kúni Respýblıkanyń batysy, soltústik-batysy, ońtústik jáne ortalyǵy atmosferalyq fronttardyń ótýine baılanysty, keı jerlerde jaýyn-shashyn, tuman, kóktaıǵaq bolady, jel kúsheıedi. Qalǵan aýmaqtarynda jaýyn-shashynsyz aýa raıy saqtalyp, keı jerlerde tuman kútiledi.
Bul týraly Qazgıdrometke silteme jasap, QR ІІM TJ Komıtetinen habarlady.
Qaraǵandy, Qostanaı oblystarynyń keı jerlerinde tuman, kóktaıǵaq bolady, jel 15-20 m/s kúsheıedi. Aqtobe oblysynyń keı jerlerinde tuman, kóktaıǵaq kútiledi. Almaty oblysynyń Jalańashkól aımaǵynda jel 15-20 m/s kútiledi. Aqmola, Pavlodar, túnde jáne tańerteń Mańǵystaý, Atyraý, Shyǵys Qazaqstan oblystarynyń keı jerlerinde tuman kútiledi. Kúndiz Batys Qazaqstan, Ońtústik Qazaqstan oblystarynyń keı jerlerinde 15-20 m/s jel kúsheıedi. Soltústik Qazaqstan oblysynyń keı jerlerinde kúndiz kóktaıǵaq bolady, jel 15-20 m/s kúsheıedi.
