Dúısenbi kúni respýblıkanyń basym bóliginde jel turyp, burshaq jaýady
ASTANA. QazAqparat - Dúısenbi kúni respýblıkanyń basym bóliginde aýa raıynyń turaqsyzdyǵy saqtalady, dep habarlaıdy QR TJM baspasóz qyzmeti «Qazgıdrometke» silteme jasap. Elimizdiń basym bóliginde jańbyr jaýyp, naızaǵaı oınaıdy, jel kúsheıedi, tek batys óńirde ǵana aýa raıy jaýyn-shashynsyz bolady.
Jambyl oblysynda qatty daýyl turyp, 18-23 m/s-qa deıin jel ýúsheıedi. Aqmola, Soltústik Qazaqstan oblystarynda jel turyp, naızaǵaı oınaıdy, túnde jáne tańerteń tuman túsedi dep kútilýde. Shyǵys Qazaqstan men Aqmola oblysynda kúndiz burshaq jaýýy yqtımal. Qostanaı, Almaty, Mańǵystaý, Batys Qazaqstan, Aqtóbe oblystarynda 15-20 m/s-qa jel kúsheıedi. Pavlodar, Qaraǵandy oblystarynyń keı jerlerinde jeldiń ekpini 15-20 m/s-qa deıin barady, naızaǵaı oınaıdy. Qyzylorda oblysynyń da birqatar jerlerinde jel turady, túnde naızaǵaı soǵady.
Kúndiz Almaty oblysynda qatty ystyq bolady dep kútilýde. Ońtústikte, ońtústik-shyǵysta, batys aımaqtyń keı bólikterinde, soltústik-batys aımaqtarda joǵarǵy órt qaýpi saqtalady.
