Dúısenbi kúni respýblıkanyń basym bóliginde jańbyr jaýady - Qazgıdromet
ASTANA. QazAqparat - 13 cáýirde respýblıkanyń batys jáne soltústik-batysynda jaýyn-shashynsyz aýa raıy saqtalady, qalǵan bóliginde atmosferalyq frontaldy bólikterdiń ótýine baılanysty, keı jerlerde jaýyn-shashyn ( kóbinese jańbyr), tuman, jeldiń kúsheıýi kútiledi. Ońtústik, ońtústik-shyǵystyń keı jerlerinde naızaǵaı kútiledi. Bul týraly Qazgıdromet habarlady.
Aqmola, Qostanaı, Qaraǵandy oblystarynyń keı jerlerinde tuman, jel 15-20 m/s bolady. Almaty, Pavlodar, Shyǵys Qazaqstan, túnde Soltústik Qazaqstan oblystarynyń keı jerlerinde jel 15-22 m/s kúsheıedi. Qyzylorda, Ońtústik Qazaqstan oblystarynyń keı jerlerinde naızaǵaı kútilip, jel 15-20 m/s kúsheıedi. Jambyl oblysynyń kúndiz keı jerlerinde naızaǵaı kútilip, jel 15-20 m/s bolady.
