Dúısenbi kúni respýblıkanyń basym bóliginde qar jaýyp, burqasyn bolady
ASTANA. QazAqparat - 7 jeltoqsan kúni Qazaqstannyń kóptegen bólikterinde atmosferalyq fronttardyń ótýine baılanysty aýa raıy turaqsyz bolady, soǵan baılanysty jaýyn-shashyn, kóbinese qar jaýady, burqasyn, tuman, kóktaıǵaq, jeldiń kúsheıýi kútiledi.
Bul týraly Qazgıdromet habarlady.
Qostanaı, Qaraǵandy, Shyǵys Qazaqstan oblystarynyń keı jerlerinde tuman, kóktaıǵaq, burqasyn kútilip, jel 15-20 m/s kúsheıedi. Qyzylorda, Batys Qazaqstan oblystarynyń keı jerlerinde tuman, kóktaıǵaq, jeldiń 15-20 m/s kúsheıýi kútiledi. Aqmola, Aqtóbe, Soltústik Qazaqstan oblystarynyń keı jerlerinde kóktaıǵaq kútiledi, jel 15-20, kúndiz ekpini 25 m/s kúsheıip, burqasyn bolady. Pavlodar oblysynyń keı jerlerinde jel 17-22 m/s kúsheıip, burqasyn bolady. Jambyl, Ońtústik Qazaqstan, túnde Almaty oblystarynyń keı jerlerinde jel 15-20 m/s kúsheıedi. Atyraý oblysynyń keı jerlerinde tuman, kóktaıǵaq bolyp, túnde keı jerlerinde jel 15-20 m/s, kúndiz kóptegen bóliginde ekpini 17-22 m/s kúsheıedi. Mańǵystaý oblysynyń keı jerlerinde tuman, túnde kóktaıǵaq kútiledi.
