Dúısenbi kúni memlekettik bilim berý granttaryn taǵaıyndaý jónindegi respýblıkalyq komıssııa óz jumysyna kirisedi
ASTANA. 4 tamyz. QazAqparat - 2012 jylǵy 6 tamyzda QR Bilim jáne ǵylym mınıstri Baqytjan Jumaǵulovtyń tóraǵalaǵymen
memlekettik bilim berý granttaryn taǵaıyndaý jónindegi respýblıkalyq konkýrstyq komıssııa óz jumysyn bastaıdy. Bul týraly vedomstvonyń baspasóz qyzmetinen málim etti.
Komıssııa quramyna QR Bilim jáne ǵylym mınıstrliginiń, QR Densaýlyq saqtaý mınıstrliginiń ókilderi, joǵary oqý oryndarynyń rektorlary, bilim qyzmetkerleri kásipodaǵynyń tóraıymy endi.
Eske salaıyq, bıyl elimizde Ulttyq biryńǵaı testileýge 117 myń túlek qatysty. Olardyń ortasha baly 70,9 paıyzdy qurady. Al testileýge qatysýshylardyń 36 paıyzy nemese 47 myń túlek synaq «tabaldyryǵyn» eńsere almady.
