Dúısenbi kúni Qazaqstannyń basym bóliginde jaýyndy bolady
ASTANA. QazAqparat - Qazaqstannyń basym bóliginde atmosferalyq aǵyndardyń ótýimen keı jerlerde jaýyndy bolady, jel kúsheıedi, respýblıkanyń ońtústiginde ǵana kún ashyq bolýy kútiledi., dep habarlady «Qazgıdromet» RMK.
Batys Qazaqstan, Pavlodar, Shyǵys Qazaqstan, túnde Qyzylorda oblystarynda keı jerlerde jeldiń kúshi 15-20 m/s-qa jetedi.
Aqmola, Soltústik Qazaqstan, túnde jáne kúndiz Qaraǵandy oblystarynda keı jerlerde tuman túsedi.
Mańǵystaý oblysynda jeldiń ekpini 15-20 m/s-qa jetip, kún kúrkireıdi.
Qostanaı oblysynda túnde jáne kúndiz keı jerlerde tuman túsedi, tańerteń jáne kúndiz jeldiń kúshi 15-20 m/s bolady.
Respýblıkanyń batysynyń keı jerlerinde, soltústik-batysynda, ońtústiginde, ońtústik-shyǵysynda, shyǵysynda jáne ortalyǵynda óte joǵary órt qaýpi saqtalady.
