Dúısenbi kúni Qazaqstanda qubylmaly kún raıy kútiledi
ASTANA. QazAqparat - Atmosferalyq fronttardyń ótýine baılanysty 23 shilde kúni Qazaqstannyń basym bóliginde qubylmaly aýa raıy kútiledi. Keı jerlerde naızaǵaı oınap, jańbyr jaýady, jel kúsheıedi. Respýblıkanyń ońtústigi men batysynda shańdy daýyl turady, soltústiginde daýyl bolady. El boıynsha jekelegen óńirlerde burshaq jaýýy múmkin. Bul týraly «Qazgıdromet» RMK-dan málim etti, dep habarlaıdy QazAqparat.
Atap aıtqanda, Soltústik Qazaqstan oblysynda naızaǵaı, daýyl, 15-20 m/s ekpindegi jel kútiledi. Jeldiń jyldamdyǵy keı jerlerde 23-28 m/s jetedi, kúndiz burshaq jaýýy múmkin.
Aqmola, Qaraǵandy oblystarynyń keı jerlerinde naızaǵaı oınaıdy, burshaq jaýýy múmkin. Túnde jáne tańerteń tuman bolyp, túnde keı jerlerinde, kúndiz basym bóliginde jeldiń kúshi 15-20 m/s kúsheıedi.
Batys Qazaqstan, Shyǵys Qazaqstan oblystarynyń keı jerlerinde naızaǵaı bolady, jel 15-20 m/s artady, burshaq jaýýy múmkin. Shyǵys Qazaqstanda daýyl turýy yqtımal.
Almaty, Pavlodar oblystarynda keı jerlerde naızaǵaı oınaıdy, 15-20 m/s jel turady, burshaq jaýýy múmkin. Almaty oblysynda tuman boljanady.
Jambyl oblysynda jeldiń kúshi 23 m/s jetedi, tańerteń jáne kúndiz naızaǵaı bolady, burshaq jaýýy múmkin.
Túrkistan, kúndiz Atyraý oblystarynyń keı jerlerinde naızaǵaı kútiledi, jel 15-20 m/s kúsheıedi.
Qyzylorda, Aqtóbe oblystaryndyń keı jerlerinde jel 15-20 m/s kúsheıedi. Shańdy daýyl turady. Qyzylorda oblysynda túnde jáne tańerteń naızaǵaı bolady.
Qostanaı oblysynyń keı jerlerinde jeldiń ekpini 15-20 m/s artady.
Mańǵystaý oblysynda kúndiz naızaǵaı bolady.
Sondaı-aq Almaty, Atyraý oblystarynda, Túrkistan, Mańǵystaý, Jambyl oblystarynyń keı jerlerinde qatty ystyq bolady.
Budan bólek, Mańǵystaý, Qyzylorda, Túrkistan oblystarynda, Atyraý, Batys Qazaqstan, Aqtóbe, Qostanaı, Jambyl, Almaty oblystarynyń keı jerlerinde joǵary órt qaýpi saqtalady.
