Dúısenbi kúni Eýroodaqta Parıjdegi terrorlyq oqıǵaǵa baılanysty 1 mınýt únsizdik jarııalanady

Bul týraly senbi kúni EO úkimeti men Eýropalyq memleketter basshylarynyń jáne eýropalyq ınstıtýttar basshylarynyń birlesken málimdemesinde aıtyldy. «Eýropalyq odaq Parıjdegi terrorlyq oqıǵaǵa qatty alańdaýly jáne qaıǵyǵa ortaqtasady. Bul - bizdiń barlyǵymyzǵa jasalǵan shabýyl. Biz bul zulymdyqqa qarsy birlesip, aıaýsyz kúresetin bolamyz», delingen málimdemede. Eýropa elderiniń memleket basshylary Frantsııanyń qaıǵysymen ortaqtasyp, eýropalyq deńgeıde onyń qaýipsizdigi úshin barlyǵyn jasaıtynyn aıtty. EO lıderleriniń málimdemesinde: «Frantsııa - uly, qýatty memleket. Onyń erkindik, demokratııa qundylyqtary, teńdik, baýyrlastyq qasıeti Eýroodaqqa qýat berip kelgen, bere beretin de bolady», dep aıtylǵan. «Biz, eýropalyqtar, 2015 jyldyń 13 qarashasyn Eýropadaǵy qaraly kún dep sanaımyz. Barlyq eýropalyqtardy dúısenbi kúni saǵat túski 12-00-de 1 mınýt únsizdik jarııalaýǵa shaqyramyz», delingen málimdeme qorytyndysynda.