Dúısenbi kúni elimizdiń keı aımaqtarynda qatty ystyq bolady
ASTANA. QazAqparat - Dúısenbi, 4 tamyz kúni respýblıkanyń basym bóliginde jaýyn-shashynsyz aýa raıy saqtalady, tek soltústik pen soltústik-batystyń keı aımaqtarynda jaýyn-shashyn bolyp, naızaǵaı oınaıdy. Bul týraly Qazgıdrometke silteme jasap, QR TJM baspasóz qyzmetinen habarlady.
Qostanaı oblysynyń birqatar jerlerinde jeldiń kúshi 15-20 m/s-qa deıin barady, túnde jáne tańerteń tuman túsedi. Soltústik Qazaqstan oblysynda ekpini 15-20 m/s jel turyp, naızaǵaı oınaıdy. Aqmola, Aqtóbe, túnde Batys Qazaqstanda, kúndiz Shyǵys Qazaqstanda naızaǵaı bolady dep kútilýde. Pavlodar oblysynyń keı aımaqtarynda túnde tuman túsýi yqtımal. Kúndiz Mańǵystaý, Aqtóbe, Qaraǵandy oblystarynda qatty ystyq bolady. Ońtústikte, ońtústik-shyǵysta, batysta, soltústik-batysta jáne ortalyqta joǵarǵy órt qaýpi saqtalady.
