Dúısenbi kúni elimizdiń basym bóliginde qar jaýady
ASTANA. QazAqparat - Dúısenbi kúni respýblıkanyń basym bóliginde atmosferalyq frontaldy bólikterdiń ótýine baılanysty qar jaýyp, tuman túsip, boran soǵyp, kóktaıǵaq bolady jáne jel kúsheıedi, dep habarlaıdy «Qazgıdromet» RMK.
Shyǵys Qazaqstan oblysynyń keı jerlerinde boran soǵyp, tuman túsip, kóktaıǵaq bolady. Sondaı-aq jeldiń kúshi sekýndyna 18-23 metrge deıin jetedi, kúndiz 15-20 metr bolady, keı jerlerde 23-28 metrge deıin jetýi múmkin. Ekpini sekýndyna 30 metrge deıin soǵady.
Pavlodar, Jambyl oblystarynyń birqatar aımaqtarynda tuman túsip, kóktaıǵaq bolyp, jel sekýndyna 15-20 metrge deıin kúsheıip, ekpini sekýndyna 23-28 metr bolady. Keı jerlerde sekýndyna 30 metrge deıin jetýi múmkin. Pavlodar oblysynda boran soǵady.
Batys Qazaqstan, Atyraý oblystarynyń keı jerlerinde boran bolyp, jel sekýndyna 15-20 metr jyldamdyqpen uıtqıdy. Batys Qazaqstan oblysynda jeldiń ekpini sekýnyna 25 metrge jetedi.
Ońtústik Qazaqstan oblysynyń keı jerlerinde tuman túsip, kóktaıǵaq bolady, jel sekýndyna 15-20 metrge deıin kúsheıedi. Ekpini sekýndyna 23-28 metrge jetedi.
Almaty, Qyzylorda, Mańǵystaý, Qaraǵandy oblystarynda tuman túsýi yqtımal. Jel kúsheıip, jyldamdyǵy sekýndyna 15-20 metrge jetedi. Qyzylorda, Qaraǵandy, Mańǵystaý oblystarynda kóktaıǵaq bolady.
Aqmola, Qostanaı oblystarynyń birqatar aımaqtarynda tuman túsip, kóktaıǵaq bolyp, boran soǵady. Jel sekýndyna 15-20 metrge deıin kúsheıedi.
Aqtóbe oblysynda kúndiz keı jerlerde boran soǵyp, jeldiń jyldamdyǵy sekýndyna 15-20 metr bolady.
Soltústik Qazaqstan oblysynyń birqatar aımaqtarynda boran soǵyp, tuman túsip, kóktaıǵaq bolady.
