Dúısenbi kúni eldiń basym bóliginde jaýyn-shashyndy bolady
ASTANA. QazAqparat - Atmosferalyq fronttardyń ótýine baılanysty 30 qazan kúni Qazaqstannyń basym bóliginde jaýyn-shashyn bolady. Keı jerlerde jel kúsheıip, tuman men kóktaıǵaq kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Almaty oblysynyń Jalańashkól aýdanynda 18-23 m/s-pen soqqan jeldiń ekpini 28 m/s artady.
Jambyl, Qyzylorda, Batys Qazaqstan, Qaraǵandy, Qostanaı oblystarynyń keı jerlerinde jeldiń jyldamdyǵy 15-20 m/s jetedi. Qostanaı oblysynyń keı aýmaqtaryn tuman basyp, kóktaıǵaq bolady.
Kúndiz Ońtústik Qazaqstan, Mańǵystaý oblystarynda jel 15-20 m/s kúsheıedi. Mańǵystaý óńiriniń jekelegen jerlerinde túnde jáne tańerteń tuman kútiledi.
Aqmola, Aqtóbe, Soltústik Qazaqstan, Pavlodar oblystarynyń keı jerlerinde tuman men kóktaıǵaq boljanady.
Shyǵys Qazaqstan men Atyraý oblystarynda tuman kútiledi.
