Dúısenbi kúni 4 óńirde aýa raıy buzylady
NUR-SULTAN. QazAqparat – «Qazgıdromet» RMK aýa raıynyń buzylýyna baılanysty 14 qazan kúni 4 óńirde eskertý jarııalady, dep habarlaıdy QazAqparat.
Soltústik Qazaqstan oblysynyń keı jerlerinde tuman kútiledi. Ońtústik-batystan 15-20 m/s jyldamdyqpen soqqan jeldiń kúshi 25 m/s artýy múmkin. Petropavl qalasynda ońtústik-batystan 15-20 m/s ekpinde jel turady.
Qostanaı oblysynyń keı jerlerin tuman basady. Ońtústikten soǵatyn jeldiń ekpini batysqa aýysyp, kúshi 15-20 m/s jetedi. Qostanaı qalasynda 15-20 m/s ekpinimen jel soǵady.
Qyzylorda oblysynyń keı jerlerinde naızaǵaı kútiledi. Ońtústik-batystan, batystan jel soǵady, keı jerlerde jyldamdyǵy 15-20 m/s artady.
Sondaı-aq Nur-Sultan qalasynda túnde jáne tańerteń tuman kútiledi. Tańerteń jáne kúndiz ońtústikten, ońtústik-batystan jel soǵyp, ekpini 15-20 m/s jetedi.
