Dúısenbi kúni 4 qalada aýa sapasy nasharlaıdy
ASTANA. QazAqparat - Dúısenbi, 11 aqpan kúni meteorologııalyq jaǵdaılar elimizdiń 4 qalasynyń atmosferasynda lastaýshy zattardyń shoǵyrlanýyna yqpal etedi, dep habarlaıdy QazAqparat Qazgıdrometke silteme jasap.
Sınoptıkterdiń aqparaty boıynsha, aýa sapasynyń nasharlaýy Aqtóbe, Oral, Qaraǵandy, Peropavl qalalarynda kútiledi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal. Aýanyń lastaný deńgeıin anyqtaıtyn mańyzdy fatorlardyń biri - sınoptıkalyq jaǵdaıdyń boljamy (jel, jaýyn-shashyn, ylǵaldylyq, aýa temperatýrasy).
