Dúısenbi elimizdiń basym bóliginde jel kúsheıedi
ASTANA. QazAqparat - 2 sáýirde Qazaqstan aýmaǵynyń basym bóligine antıtsıklon yqpal etip, jaýyn-shashynsyz aýa-raıy saqtalady, dep habarlaıdy Qazgıdromet.
Sınoptıkterdiń boljaýynsha, elimizdiń tek ońtústik-shyǵys, soltústik jáne soltústik-batysta atmosferalyq aǵyndardyń ótýine baılanysty qubylmaly aýa raıy saqtalady, keı jerlerde jaýyn jaýady. Respýblıkanyń keı jerlerinde tuman, kóktaıǵaq, jeldiń kúsheıýi kútiledi.
Soltústik Qazaqstan oblysynyń keı jerlerinde kóktaıǵaq bolady, jel kúsheıip burqasyn soǵady.
Jambyl, Qyzylorda, Ońtústik Qazaqstan oblystarynyń keı jerlerinde tuman túsedi, jeldiń ekpini 15-23 m/s-ge jetedi.
Mańǵystaý oblysynyń keı jerlerinde kúndiz jeldiń jyldamdyǵy 15-20 m/s-ge jetip, shańdy daýyl soǵady.
Atyraý oblysynda kúndiz jel kúsheıip, 15-20 m/s bolady.
Almaty oblysynyń keı jerlerinde túnde tuman túsip, kóktaıǵaq kútiledi. Shyǵys Qazaqstan, Qaraǵandy, Batys Qazaqstan oblystarynyń keı jerlerinde tuman túsýi yqtımal.
Pavlodar oblysynyń keı jerlerinde jel 15-20 m/s-ge deıin kúsheıedi. Aqmola, Qostanaı oblystarynyń keı jerlerinde tuman túsedi, jel jyldamdyǵy 15-20 m/s-ge jetip, jaıaý burqasyn soǵady.
