Dúıim jurt «Bir el - bir kitap» jobasy aıasynda Oralhan Bókeıdiń shyǵarmalaryn oqıdy

Jalpyulttyq sharanyń bastalý saltanaty búgin Astanadaǵy QR Ulttyq akademııalyq kitaphanasynda ótti.

Aktsııany ótkizetin negizgi ortalyq - kitaphanalar. Osy joǵaryda atalǵan «Bir el-bir kitap» aktsııasyna oraı, barlyq kitaphanalar men oqý oryndarynda, mektepterde kitap kórmeleri, ádebı keshter, zertteýshiler men ádebıettanýshylarmen kezdesýler uıymdastyrylyp, osy shyǵarmany nasıhattaý boıynsha kitap oqýshylar konferentsııasy, ashyq sabaqtar ótedi.

«Oralhan Bókeı óziniń kórkem oılaý júıesimen qazaq sózine erekshe yqpal ákelgen. Sonymen qatar onyń shyǵarmalarynyń deni oı aǵysyna qurylǵan. Bunyń barlyǵy tegin emes, oqyrmandardy kórkem shyǵarmalardy oqýǵa daǵdylandyrý maqsatynda istelinip jatqan shara. Óıtkeni kórkem shyǵarma adamnyń ishki sezimderin tárbıeleýge múmkindik beredi», - deıdi jazýshy Tursyn Jurtbaı.

Kitaphana dırektory Janna Shaımuhanbetovanyń aıtýynsha, aktsııa sheńberinde Qazaqstanda 1100-den astam is-shara uıymdastyrý belgilengen.

«6 jyl qatarynan ótkizilip kele jatqan shara oqyrmandar arasynda úlken tanymaldylyqqa ıe boldy. «Bir el - bir kitap» sharasy AQSh-tyń Chıkago kitaphanasynan alynǵan dástúr. Shara sheńberinde bir kitapty tańdap, ony búkil el bolyp oqıtyn bolǵan. Bul ádis - ulttyq ádebıetti nasıhattaýdyń eń tıimdi joly ekendigine kózimiz jetti», - dep atap kórsetti J. Shaımuhanbetova.

Aktsııany qoldaǵandardyń ishinde Farıza Ońǵarsynova, Ákim Tarazı jáne Murat Áýezov syndy aqyn-jazýshylar bar.