Dýshanbeniń ortalyǵyndaǵy tergeý abaqtysynan qamaýdaǵy 25 adam qashyp ketti
ASTANA. Tamyzdyń 23-i. QazAqparat - Tájikstannyń Ulttyq qaýipsizdik jónindegi memlekettik komıteti dúısenbi kúni tańerteń Ulttyq qaýipsizdik jónindegi memlekettik komıtetiniń tergeý abaqtysynan qamaýdaǵy bir top qarýly adamnyń qashyp ketkendigi týraly resmı málimdemede jasady, dep habarlaıdy Bı-Bı-Sı.
Qashqyndardy tutqyndaý úshin qurylǵan jedel shtabty Tájikstannyń ishki ister mınıstri Abdýrahım Kahharov basqarýda.
Tutqyndar qashyp ketken tergeý abaqtysy el prezıdenti Emomalı Rahmonnyń úıine jaqyn, Dýshanbeniń dál ortasynda ornalasqan.
Qashyp ketken azamattardyń arasynda Reseı jáne Aýǵanstan azamattary bar bolǵandyqtan, Tájikstan bıligi Máskeý men Kabýlǵa qashqyndardy ustaýda birlese is-qımyl jasaý týraly usynys bildirdi.
