Dýshanbede túrmeden 25 asa qaýipti qylmysker qashyp ketti
ASTANA. Tamyzdyń 23-i. QazAqparat - Ótken túnde Dýshanbedegi №1 tergeý abaqtysynan 25 asa qaýipti qylmysker qashyp ketti. Bul týraly Tájikstan Іshki ister mınıstrligindegi derekkózge silteme jasap «RIA «Novostı» agenttigi habarlady.
«Oqıǵa túngi saǵat 2-lerde bolǵan. Tutqyndardyń biri kezekshige shabýyl jasap, odan kiltterdi tartyp alǵan soń, sottalǵandar otyrǵan kameralardy ashqan. Qashqyndar kezekshi bólmedegi qarýdy alyp, syrtqa bettegen kezde kúzetpen biraz atysqan», dep habarlady jýrnalısterge mılıtsııa qyzmetkeri. Onyń aıtýynsha, oqıǵa saldarynan alty ofıtser men sarbaz oqqa ushqan, al sottalǵandardyń arasyndaǵy kisi qurbandyǵy týraly ázirge aqparat joq.
Quqyq qorǵaýshylardyń málimetteri boıynsha, qashqyndardyń arasynda alty reseılik azamat, Ózbekstannyń Islamdyq qozǵalysynyń birneshe múshesi jáne Aýǵanstan azamattary bolǵan. Respýblıkada «Jol kesý» operatsııasy jarııalandy.
