Dýshanbede TMD kóshi-qon vedomstvolarynyń basshylary bas qosady

ASTANA. KAZINFORM – 28 mamyrda Dýshanbede Táýelsiz Memleketter Dostastyǵyna múshe elderdiń kóshi-qon organdary basshylary keńesiniń 28-shi otyrysy ótedi, dep habarlaıdy Tájikstannyń Hovar  aqparat agenttigi.

Otyrys jumysyna Ázerbaıjan, Armenııa, Belarýs, Qazaqstan, Qyrǵyzstan, Reseı Federatsııasy, Túrikmenstan, Ózbekstan, Táýelsiz Memleketter Dostastyǵynyń Atqarý komıteti, Táýelsiz Memleketter Dostastyǵyna qatysýshy memleketterdiń Parlamentaralyq Assambleıasy jáne Kásipodaqtar jalpy konfederatsııasynyń ókilderi qatysady.

Kezdesý aıasynda Tájikstan men Reseı Federatsııasynyń tıisti kóshi-qon organdary basshylyǵynyń ekijaqty kezdesýleri ótedi.