Dýshanbede «Tájikstandaǵy qazaqtar» kitabynyń tusaýy kesildi

ASTANA. QazAqparat -  Búgin Dýshanbede Qazaqstannyń Tájikstandaǵy Elshiliginiń qoldaýymen jaryq kórgen Reseı-Tájikstan ýnıversıtetiniń  professory Ábdisattar Nuralıevtiń «Tájikstandaǵy qazaqtar» kitabynyń tusaýkeseri ótti, dep habarlaıdy QazAqparat.

Sharaǵa Tájikstandaǵy Qazaqstan Elshisi N.Seıtimov, Reseı-Tájikstan ýnıversıtetiniń  prorektory Ý.Mansýrov, Tájikstan Prezıdenti jáne Úkimeti ákimshiliginiń, ǵylymı-mádenı orta men BAQ ókilderi qatysty.

Saltanatty rásim barysynda Elshi Nurlan Seıtimov eki memleket halqynyń mádenı baılanystaryn jaqyndatý úshin búgingi sharanyń mańyzdy ekendigine aıryqsha toqtalyp ótti.

Kitapta Tájistanda turatyn qazaqtardyń tarıhyna qatysty biraz taqyryp keńinen qamtylǵan.  Sondaı-aq, onda Tájikstanda turyp jatqan qazaqtardyń bul eldiń damýyna qosqan úlesi de keńinen baıandalyp, tájik halqymen aradaǵy tyǵyz qarym-qatynasy da sóz bolǵan.